പാലക്കാട്: ബ്രോഡ്ഗേജാക്കിയ പാലക്കാട്-പൊള്ളാച്ചി പാതയില് വേഗപരീക്ഷണ ഓട്ടം വിജയകരം. പൊള്ളാച്ചി ജങ്ഷനില്നിന്ന് ഉച്ചകഴിഞ്ഞ് 3.20ന് പുറപ്പെട്ട തീവണ്ടി 3.58ന് പാലക്കാട് ടൗണ് റെയില്വേസ്റ്റേഷനിലെത്തി. 54 കിലോമീറ്റര് ഓട്ടത്തിന് 38 മിനിറ്റാണ് എടുത്തത്. സുരക്ഷാപരിശോധനയ്ക്കായി എത്തിയ വ്യോമയാന മന്ത്രാലയത്തിലെ എസ്.കെ. മിത്തലും സംഘവും തീവണ്ടിയില് യാത്രചെയ്തു.
റിപ്പോര്ട്ട് റെയില്വേ മന്ത്രാലയത്തിന് സമര്പ്പിക്കുമെന്ന് മിത്തല് പറഞ്ഞു. സിഗ്നല്, ലെവല്ക്രോസ്, പാലം, വൈദ്യുതീകരണം, റെയില്പ്പാളം തുടങ്ങിയ കാര്യങ്ങളെല്ലാം പരിശോധിച്ചെന്നും അദ്ദേഹം പറഞ്ഞു.
റിപ്പോര്ട്ടില് തടസ്സങ്ങളില്ലെങ്കില് ഒരുമാസത്തിനുള്ളില് വണ്ടികള് ഓടിത്തുടങ്ങും. എല്ലാ സ്റ്റേഷനിലും ലെവല്ക്രോസിലും ജീവനക്കാരെ നിയമിച്ചു. കേരളപ്പിറവി ദിനത്തില് പാലക്കാട്-പൊള്ളാച്ചി പാതയില് തീവണ്ടിയോടിത്തുടങ്ങുമെന്നാണ് പ്രതീക്ഷിക്കുന്നത്. ചെന്നൈ എഗ്മോര് റെയില്വേ നിര്മാണവിഭാഗം ഓഫീസര് പി.കെ. മിശ്ര, പാലക്കാട് ഡിവിഷണല് മാനേജര് ആനന്ദ് പ്രകാശ് എന്നിവരും പരിശോധനയ്ക്കുണ്ടായിരുന്നു.