Kal mai Aapko bola Thha CR khali fokat late nahi karega DD ko
Itz Internal issue of konkan Railway. ...
kokan-railway1
* करंजाडी येथे ट्रॅक वाहून गेला
* गाड्या खोळंबल्या, प्रवाशांचे हाल
*...
more... सकाळपर्यंत वाहतूक सुरळीत?
>> सुनील नलावडे, रत्नागिरी/ म. टा. प्रतिनिधी, मुंबई
मोठ्या उत्साहाने गणेशोत्सवासाठी रेल्वेने कोकणात निघालेल्या भक्तमंडळींवर रखडत रखडत चाललेल्या कोकण रेल्वेत तिष्ठत बसून 'पायी हळूहळू चाला... मुखाने गजानन बोला...' असे म्हणण्याची वेळ आली आहे. सोमवारी रात्री मुसळधार पाऊस पडल्याने करंजाडी येथे दुरुस्त केलेला रेल्वेचा ट्रॅक पुन्हा वाहून गेल्याने तेथे पुन्हा मातीचा भराव टाकण्याचे काम हाती घेतले गेले. त्यामुळे मुख्य ट्रॅकवरील रेल्वे वाहतूक बंद ठेवून मंगळवारी संध्याकाळपासून लूप मार्गावरून गाड्या काढण्यात येत आहेत. त्यामुळे, कोकण रेल्वेच्या गाड्या ठिकठिकाणी तासनतास खोळंबून राहिल्या असल्याने प्रवाशांचे अतोनात हाल सुरू आहेत.
मुंबईहून कोकणात निघालेल्या गणेशभक्तांच्या मार्गातील विघ्ने मंगळवारीही कायम होती. सोमवारी रात्री मुसळधार पाऊस पडल्याने करंजाडी येथे दुरूस्त केलेला ट्रॅक पुन्हा वाहून गेल्याने या ठिकाणी मातीचा भराव टाकण्याचे काम पुन्हा हाती घ्यावे लागले आहे. या कामामुळे मुख्य ट्रॅकवरील रेल्वे वाहतूक बंद ठेवली आहे. पर्यायी मार्ग म्हणून मंगळवारी संध्याकाळपासून लूप मार्गावरून गाड्या काढण्यात येत आहेत. मात्र, या गोंधळामुळे कोकण रेल्वेच्या गाड्या खोळंबून राहिल्या असल्याने प्रवाशांचे अतोनात हाल झाले आहेत. त्यामुळे गाड्या दोन ते १४ तास उशीराने धावत होत्या. दरम्यान दुरुस्तीचे काम बुधवारी सकाळपर्यंत पूर्ण होण्याचा अंदाज आहे.
खेड जवळील करंजाडी येथे सोमवारी झालेल्या मुसळधार पावसामुळे मातीचा भराव वाहून गेल्याने वाहतूक विस्कळीत झाली होती. दुरुस्तीचे काम तातडीने संध्याकाळपर्यंत पूर्ण केले. पण रात्री मुसळधार पावसाने नव्याने टाकलेला मातीचा भराव वाहून गेल्याने वाहतूक पुन्हा थांबवली.मात्र, त्याची पूर्वकल्पना प्रशासनाने न दिल्याने सर्व गाड्या ठिकठिकाणी खोळंबल्या आहेत.
करंजाडी येथे तात्पुरते स्लीपर्स बदलण्यासाठी मंगळवारी विशेष ब्लॉक घेतला. या मार्गावर वेगमर्यादा असल्याने वेळापत्रक विस्कळीत झाले. मुख्य ट्रॅकच्या बाजूच्या लूप लाइनवरून खोळंबलेल्या गाड्या धीम्या गतीने काढल्या जात आहेत. करंजाडी येथे भराव टाकण्याचे काम बुधवारी सकाळपर्यंत पूर्ण होईल अशी माहिती प्रशासनाने दिली. भरीस भर म्हणून 'मरे'च्या लोको ड्रायव्हर युनियनने पुन्हा हद्दीच्या वादावरून गोंधळ निर्माण केला. मात्र हा दावा खोटा असल्याचे स्पष्ट झाले