Manmad~Dhule~Indoor rail news
म. टा. वृत्तसेवा, मालेगाव
धुळे-मालेगाव लोकसभा मतदारसंघासह संपूर्ण उत्तर महाराष्ट्राच्या विकास आणि रोजगाराच्या दृष्टीने अत्यंत महत्त्वपूर्ण असलेल्या मनमाड मालेगाव धुळे इंदूर रेल्वेमार्गाला येत्या तीन वर्षांत मूर्त स्वरूप प्राप्त होणार आहे. या रेल्वेमार्गासाठी लागणाऱ्या सर्व मंजुरी तसेच आवश्यक अशा ९ हजार ९६४ कोटी रुपयांच्या निधीची तरतूद केंद्र सरकाराच्या रेल्वे तसेच परिवहन मंत्रालयाने केली आहे. ऑगस्टमध्ये केंद्रीय परिवहन मंत्री नितीन गडकरी यांच्या निवासस्थानी झालेल्या बैठकीत त्यांनी निधी देण्याचे प्रत्यक्ष आदेश दिले आहेत. त्यामुळे निधीच्या तरतुदीअभावी रखडलेला हा रेल्वेमार्ग अखेर मार्गी लागणार आहे, अशी माहिती संरक्षण राज्यमंत्री तसेच खासदार डॉ. सुभाष भामरे...
more... यांनी दिली.
येथील हॉटेल मराठा दरबार येथे आयोजित पत्रकार परिषदेत ते बोलत होते. यावेळी भाजप महानगर अध्यक्ष सुनील गायकवाड, तालुकाध्यक्ष दीपक पवार, ज्येष्ठ नेते सुरेश निकम उपस्थित होते. भामरे यांनी मनमाड इंदूर रेल्वेमार्गाच्या मंजुरीबाबत सविस्तर माहिती दिली. या मार्गाची प्रत्यक्ष कारवाई, त्यातील स्थानके, लांबी, अपेक्षित खर्च, भूसंपादन प्रक्रिया आदी मुद्द्यांवर आधारित पिपीटी प्रेझेंटेशन देखील दिले. भामरे म्हणाले, रेल्वेमंत्री सुरेश प्रभू यांनी यंदाच्या रेल्वे अर्थसंकल्पात या रेल्वेमार्गाची घोषणा केली होती. मात्र या प्रकल्पाला मूर्तस्वरूप प्राप्त होण्यासाठी आर्थिक तरतूद होणे अत्यंत महत्त्वाचे होते. म्हणून या मतदार संघांचा लोकप्रतिनिधी म्हणून यासाठी मी प्रयत्नशील होतो. या प्रकल्पासाठी ९ हजार ९६४ कोटी रुपये इतका निधि आवश्यक असून त्यातील ५० टक्के वाटा केंद्र सरकार तर ५० टक्के वाटा महाराष्ट्र व मध्यप्रदेश सरकारने उचलायचा आहे, अशी माहिती त्यांनी दिली